Personar som bur og arbeider i Sogn og Fjordane, har store reise- og tidskostnader for å delta på slike arrangement i dei større byane. Ofte er det ikkje muleg å delta på på grunn av tids- og reisekostnadene.

Moderne IKT-løysingar har eit stort potensiale for å redusere denne ulempen gjennom å levere kurs, seminar og konferansar over nettet. Tilgangen til kunnskap kan aukast betrakteleg og redusere kunnskapsskillet mellom ulike regionar. I tillegg til å hente informasjon og kunnskap til Sogn og Fjordane kan denne teknologien stimulere til å dele kunnskap frå Sogn og Fjordane med andre regionar og land.

Forprosjektet skal omfatte følgjande delaktivitetar

1. Kartlegge tilgjengeleg teknologi og tenester for overføring av møte, kurs og konferansar over nettet.
2. Kartlegge relvante kurs og konferansar både i regionen, nasjonalt og internasjonalt og finne dei gode   eksempla for formidling via nett
3. Undersøke kva andre initiativ som allereie er i gang og som me kan samarbeide med
4. Teste ut nettoverføring av ulike arrangement
5. Utarbeide retningslinjer for teknisk gjennomføring av arrangement med nye teknologiar

Prosjektet starta i januar 2010 og skal vera ferdig til IT-forum konferansen i slutten av september der dette også er hovedtemaet. Følg med på prosjektsida.